Percorre a biblioteca do C.E.I.P Bibei! : FEBREIRO, MES DE ROSALÍA DE CASTRO, POETISA GALEGA

O 24 de febreiro celébrase o día de Rosalía de Castro (coincidente coa data do seu nacemento, o 24 de febreiro de 1837 ). É a escritora máis universal de todos os tempos, precursora da poesía española moderna, do existencialismo e pioneira do pensamento feminista.

Representa un mito e símbolo de Galicia, é autora de obras tan salientables como; “Follas Novas”, “Cantares Gallegos”, “A Orillas del Sar” etc

Foi unha escritora innovadora e comprometida, adiantada no tempo, que empregou o galego na literatura cando ninguén o facía. Nas súas obras reflicte a situación dunha Galicia maltratada e desangrada pola emigración, denunciou a pobreza dos labregos galegos e a precaria situación laboral de moitos que estaban fóra.

Rosalía de Castro foi unha muller singular cunha extraordinaria sensibilidade que ninguén como ela soubo retractar a Galicia daquela época que lle tocou vivir.

Como exemplo de que Rosalía de Castro habita un ano máis no noso centro, dende o Equipo da Biblioteca queremos poñer a disposición do profesorado varios recursos sobre a celebración. Para elo empezaremos recordando a súa biografía, ollando os seguintes VIDEOS que nos falan da súa vida, actividades interactivas, poemas musicados das súas obras, unidades didácticas, libros... para que as súas obras e poemas sementen nos nenos e nenas un forte vínculo coa nosa língua que ela tanto dignificou.