VENRES DINAMIZADORES!

Continuando co proxecto iniciado o curso pasado, o CEIP BIBEI está levando a cabo a dinamización de patios, contando para elo coa colaboración das familias. Cada venres, durante o período de lecer, acoden ao centro nais e pais para por en práctica os xogos tradicionais e os xogos elaborados durante o curso escolar 2017-2018 polos mestres/as. Deste xeito pretendemos mellorar a convivencia do centro e implicar ao alumnado no desenvolvemento dos xogos. Cada venres, o éxito e a participación faise notar, polo que estamos sumamente orgullosos de ter uns venres ben dinamizados!